«ДЬИЭ КЭРГЭН- ОЛОХ ТӨРДӨ» улуустааҕы фестиваль Суотту нэһилиэгэр кулун тутар 26 күнүгэр ыытылынна. Өрүү да буоларын курдук нэһилиэкпит талааннаах ыччаттара, ансамблара: «Көмүөл», уолаттар ансамблара, «Өлүөнэ кытыла», «Тэтим», «Суотту далбардара», «Сандаар», «Туой», «Мичээр», кэрэ куоластаах кэскиллээх ыччаттарбыт: Марик Марков, Ангелина Добрецова, бүттүүн дьиэ кэргэнинэн бу күннэргэ оҕолорун-сиэннэрин илдьэ сылдьан кыттыбыт Раиса, Семен Черкашиннар, Надежда, Иннокентий Алексевтар, Розалия Бубякина оҕолоро, Терентий Парников оҕолоро, Туяра, Николай Котоконовтар дьиэ кэргэттэрэ уопсайа 96 киһи кытынна.»ОЛОХ ЧОРООНО» дьүһүйүү кэнсиэрбит ис хоһоонун арыйарга көстүбэт үлэтин үлэлэспит дьоммутугар: муусукалары таҥан оҥорбут Филипп Габышевка, эппиэтинэстээх күммүтүгэр звукооператорынан үлэлэспит Тимофей Татариновка, таҥастары-саптары бэрийсибит Мария Заровняеваҕа, өрүү сүбэ-ама биэрэр култуура, сцена ветераннарыгар: А.С.Федоровка, В.З.Стрекаловскаяҕа, Р.Н. Черкашинаҕа, С.Д. Федоровка, И.А.Осиповаҕа, сценарий ис хоһоонунан үҥкүүнү туруорбут эдэр коллегабытыгар Надежда Федороваҕа, өрүү тэҥҥэ үлэлэһэр коллегабытыгар Матрена Яковлеваҕа, сцена кэннигэр саамай эппиэттээх уонна көстүбэт үлэтин киирини-тахсыыны ирдэспит коллегабытыгар Екатерина Татариноваҕа, директорбытыгар Валентина Патрасоваҕа, кулууппут бары үлэһиттэригэр, куруук өйөбүл буолар тэрилтэлэрбитигэр махтанабыт. Бары бииргэ тутуһаммыт биир улахан тэрээһини түмүктээтибит. Концербыт 13,3 балл, Лауреаттар ааттарын сүктүлэр:
1. Литературный монтаж, Надежда, Иннокентий Алексеевтар дьиэ-кэргэн.
2. Уолаттар ансамбллара3. Раиса, Семен Черкашиннар дьиэ кэргэн.
4. «Туой» ансамбль
5. «Өлүөнэ кытыла» үҥкүү ансамбла
Үлэҕититтэн, күннээҕи түбүктэртэн быыс булан төрөөбүт нэһилиэккит туһугар кэлэн кыттыбыт , бука бары фестиваль кыттыылаахтарыгар махтанабыт! Эһиги алаһа дьиэҕит тула ымыы чыычаах ыллаатын, баай-талым астаах мааны сандалы тула оҕолоргут, ыччаттаргыт сүүрдүннэр-көттүннэр! Ийэ барахсан сүрэҕэ үөрэн, алаадьылаан сырылаттын! Аҕа барахсан ууһун киллэрэн маһы үөрдэн уһаннын! Хас биирдии дьиэ кэргэҥҥэ сырдык, таптал уйаланнын, ил-эйэ олохтоннун!
