Олунньу 29 күнүгэр «Уус-Алдан уран уустарын түһүлгэтэ» быыстапкаҕа «Суотту далбардара» түмсүү (сал. Иванова Е.И.) ситиһиилээхтик кыттан кэллилэр. Ол курдук «Киэргэ» күрэххэ Бочкарева П.В. Уус-Алдан норуотун маастара 3 миэстэни ылла. «Республикатааҕы норуот айымньытын дьиэтэ» тэрилтэ ыыппыт бөлөҕүнэн кырадаһынтан сыттык тигиитигэр биһиги нэһилиэктэн Саһылыкааннааҕы «Сайдам» СК иһинэн үлэлиир түмсүү Портнягина М.П., Гузаирова М.С. уонна Суоттутааҕы «Мичээр» СК иһинэн үлэлиир «Суотту Далбардара» түмсүүттэн Иванова Е.И., Николаева Л.В., Заровняева Ф.А. кытыннылар. «Суотту Далбардара» 1 миэстэни ыллылар, Оверлок массыынанан наҕараадаланнылар. «Суотту далбардара» түмсүү быыстапка арыллыытын үҥкүүнэн арыйдылар, Бочкарева П.В. сиэлтэн оҥоһуктарын Дефиле көрдөрөн көрөөччү биһирэбилин ыллылар. Быыстапкаҕа кыттыыны ылбыт Суоттубут нэһилиэгин уран-уус, тарбахтарыгар талааннаах далбардарыгар махталбытын тиэрдэбит. Ситиһии ситии курдук сиэттистин, чэгиэн, доруобай сылдьын!
