Алтынньы 19 күнүгэр “Мичээр” сынньалаҥ киинигэр Арассыыйаҕа — Дьиэ кэргэн, Өрөспүүбүлүкэҕэ — Оҕо-аймах, улууска — Аҕа сылларынан, Саха сиригэр Ийэ күнүн чэрчитинэн “Мин ийэбинээн” конкурс буолан ааста. Конкурс, күрэхтэһии диэни истээт киһи барыта долгуйар, кыттыан баҕарар эрээри туохтан эрэ тардыстар.Онтон бу киэһэ хорсун санаалаах, өрүү көхтөөх буоланСуотту нэһилиэгин биэс талааннаах ийэ оҕолорунаан кыттан бэйэлэригэр, көрөөчүлэригэр анаан бэрт сэргэх тэрээһини, киэһэни бэлэхтээтилэр.
Кэлбит көрөөччүлэрбит, истиҥ истээччилэрбит хас биирдиилэрин сылаас ытыстарын тыаһынан көрсөн кыттааччыларга тирэх буоллулар.Алта түһүмэхтээх конкурс олус тыҥааһыннаахтык ааста. Хас биирдии кыттааччы бииртэн-биир күүстээх буолан дьүүллүүр сүбэҕэ олус ыарахатардаах буолла. Куйаар ситиминэн “Көрөөччү биһирэбилэ” анал ааты 340 куолаһы ылла дьахтар аймахха сэдэх үлэлээх Уус-Алдан улууһун ис дьыала органын участковайа Татьяна Харайбатова уолунаан Денистыын. Үһүс үктэл хаһаайыттарынан дэгиттэр талааннаах, икки уол оҕо күн күбэй ийэтэ Роза Бубякина-Алексеева улахан уолунаан Арсенныын ыллылар. Иккис үктэл хаһаайыттарынан түөрт оҕо күн күбэй ийэтэ, сатабыллаах хаһаайка Надежда Алексеева кыра кыыһынаан Инналыын буоллулар. Бастакы үктэли ыллылар хас түһүмэх аайы көрөөччү ытыс тыаһын ылан Елизавета Портнягинакыра уолунаан Айхаллыын ыллылар. Сахалыы куттаах, кылыһахтаах тойуктаах, түөрт оҕо күн күбэй ийэтэ Саргылана Заровняева кыра уолунаан Костялыын кыттан көрөөччү кутун туттулар. Умнуллубат, хатыламмат, олус истиҥ, астык тэрээһин буолбутугар бука бары кыттааччыларбытыгар, дьүүллүүр сүбэҕэ, көрөөччүлэргэ махтал! Чөл туругу, чэгиэн доруобуйаны, дьиэ кэргэҥҥитигэр ил-эйэ эҥэрдэстин!
