Суотту нэһилиэгэр үгэскэ кубулуйбут сыл түмүгүнэн үлэҕэ бастыҥнары ааттаталыыр дьоро түһүлгэтэ тохсунньу 13 күнүгэр ыраахтан-чугастан дьонун түмтэ.
Культуура киинин сценатыттан 2023 сыл Россияҕа «Уһуйааччы уонна Аҕа сүбэһит», Республикабытыгар Үлэ, улууспутугар инфраструктура сылларын чэрчитинэн анал ааттар хаһаайыттара ааттаннылар:
- «Педагог наставник» — Слепцов Садот Егорович, Уус-Алданнааҕы техникум мастер-педагога,
- »Педагогическая династия» — Кулаковскайдар педагогическай дьиж кэргэн, сиэн кыыс Герасимова Альбина Дмитриевна , С.Васильев-Борогонскай аатынан Хоноҕордооҕу сүрүн оскуола нуучча тылын уонна литературатын учуутала,
- »Трудовая династия» — Сивцевтар дьиэ кэргэн,
- »Верность профессии» — Татаринова Роза Ивановна , С.Васильев-Борогонскай аатынан Хоноҕордооҕу сүр-н оскуола математика уонна физика учуутала,
- »Верность профессии» — 30 сыл эҥкилэ суох кочегардаабыт Фокин Николай Николаевичка,
- »Меценат года» — Пухов Мичил Николаевич, благотворительнай тэрээһиннэр спонсордара,
- «ZOVволонтер» Васильева Екатерина Семеновна, Суотту орто оскуолатын маастар педагога,
- »Мастерство и надежность» — Сивцев Афанасий Семенович , Суотту орто оскуолатын охраннига,
- »Человек и природа» — биир дойдулаахпыт, урбаанньыт Охлопков Петр Алексеевич,
- »Лучший общественник» — Свинобоева Екатерина Ивановна, Суотту нэһилиэгин ветераннарын советын председателэ,
- »Сельское хозяйство» — кэскиллээх эдэр салайааччы, урбаанньыт Пудецкий Дмитрий Николаевич.
Ону таһынан сылын аайы сыл бастакы уонна сылы түмүктүү күн сирин көрбүт кырачааннарга Суотту нэһилиэгин дьаһалтатын эҕэрдэтин, телевизорын туттулар, Екатерина Татаринова, Алена, Евгений Новиковтар дьиэ кэргэн. Биһиги нэһилиэккэ 2023 сылга ыал буолан үлэни өрө тутан, оҕо-уруу төрөтөн бииргэ олорбуттара 50 сыллаах үбүлүөйдээх «Кыһыл көмүс сыбаайба» анал бэлиэтин туппут дьиэ кэргэни, бүгүн бу дойдуларын дьонун ортотугар дохсун ытыс тыаһынан Суотту нэһилиэгин баһылыгын анал бэлиэтин туттулар Саха Өрөспүүбүлүкэтин “Учууталлар уууталлара” бэлиэ хаһаайыннара. Саха Өрөспүүбүлүкэтин үөрэҕириитин бочуоттаах бэтэрээннэрин, Суотту нэһилиэгин бочуоттаах олохтоохторун — Елена Романовна, Степан Степанович Ефимовтар педагогическай дьиэ кэргэн. Дьоро киэһэ бука бары наҕараадалаахтарын, ыалдьыттарын ылбаҕай ырыаларынан киэргэттилэр Сыдьаай, Иэйии, Мичээр вокальнай ансамбллар, Сандаар, Өлүөнэ кытыла үҥкүү ансамбллара, эстрада ырыаһыттара- Петр Кулаковскай, Николай Никифоров, Иннокентий Алексеев. Быйыл Россияҕа «Дьиэ кэргэн», Республикаҕа — Оҕо аймах, улууспутугар -Аҕа сылларын көрсө Суотту орто оскуолатын 5 кылаас үөрэнээччилэрэ (салайааччы Надежда Федорова)ил-эйэ туоһутун көрдөрөр «Холууптаах» үҥкүүлэрэ, үс көлүөнэ Черкашиннар дьиэ кэргэн Саргылана Меркурьева тылыгар, Анна Тотонова медодиятыгар «Таптал биһигэ-дьиэ кэргэн» ырыаны ыллаан дьон сэҥээриитин ыллылар.
Дьиэ кэргэн – хас биирдии киһиэхэ олус күндү суолталаах өйдөбүл. Аһыныгас, киһи үөскүүр холумтана –эйэлээх дьиэ кэргэн буолар. Эйэлээх дьиэ кэргэҥҥэ, үгэс курдук, дьоллоох оҕолор төрүүллэр, иитиллэллэр. Маннык этиилэринэн үүммүт сылга ситиһиилээх, тахсыылахх үлэни, эйэлээх олоҕу, ил-эйэ эҥэрдэстин диэн баҕа санаабытын тиэрдэбит!
