Ахсынньы 11 күнүгэр 2025 с. Хоноҕордооҕу сынньалаҥ киин киэҥ түһүлгэтигэр ырыа айааччы, киинэ устааччы режиссер, Саха Өрөспүүбүлүкэтин култууратын туйгуна, киэн туттар биир дойдулаахпыт — Мэҥэ — Хаҥалас улууһун култуураҕа управлениетын айар тэрээһин салаатын исписсийэлииһин, мэлдьи айар үлэҕэ үөһүгэр сылдьар Прокопий Серафимович үйэ аҥардаах үбүлүөйдээх сылыгар ырыа эйгэтигэр, айар үлэтин 30 сылын бэлиэтиир ырыа киэһэтин, истиҥ кэнсиэрин төрөөбүт — үөскээбит Суоттутун дьонугар — сэргэтигэр бэлэхтии бар дьонун түмтэ. Кэнсиэргэ «Мэҥэ- Хит» бөлөх ырыаһыттара олохтоох автордарын уонна Прокопий Федоров ырыаларын ыллаан бу киэһэни киэргэттилэр. Ылбаҕай ырыа киэһэтигэр нэһилиэк тэрилтэлэрин салайааччылара, истиҥ эҕэрдэлэрэ дохсун ытыс тыаһынан түмүктэннэ. Үгүс ылбаҕай ырыа ааптарыгар, сөбүлээн истэр ырыаһыппытыгар Прокопий Серафимовичка өссө да тахсыылаах үлэни баҕарабыт!
