Арассыыйаҕа Аҕа дойдуну, Саха Өрөспүүбүлүкэтигэр Ийэ дойдуну көмүскээччилэр, Кыайыы 80 үбүлүөйдээх сылларын түмүктүүр Кыһыл Кырдал ытык сиригэр Хоноҕордооҕу «Түһүлгэ» сынньалаҥ киинигэр үйэлээх үтүө өйдөбүл бэлиэ тэрээһинэ ыытылынна.
Аҕа дойду сэриитин кэминээҕи Кырдал историятын кэрэһэлиир: С.С. Васильев — Борогонскай олоҕун, байыаннай үөрэхтээһин, детдом олоҕун көрдөрөн киэҥ ис хоһоонноох быыстапканы олохтоох библиотекардар И. Осипова,Р.Черкашина туруоран дьон болҕомтотун тартылар.Ыччакка кэскиллээх туһаайыыны Суотту модельнай библиотекатын сэбиэдиссэйэ Р.Н. Черкашина, дьаһалта аатыттан солбуйар баһылык Н.Г. Черкашина,»Түһүлгэ»СК сэбиэдиссэйэ Е.Н. Гоголева эттилэр.
Ырыа айааччы, республикатааҕы, улуустааҕы элбэх ырыа күрэҕин лауреата Владимир Охлопков «КУТАА ТУЛА» алыптаах дорҕоон, абылыыр, доҕуһуол кэнсиэригэр кыайыыны кынаттаабыт, эйэни, тапталы, дьолу хоһуйбут ырыалары ыллаан, көрөөччү биһирэбилин ылыан ылла. Сэрии кэминээҕи кинохроникалар, оргу — быһылааччы көстүүлэр көрөөччүлэри сэҥээртэ. «Көмүөл» анс.М.Тимофеев тыл., В.Портнягин мел. «Кыайыы болуоссата», «Иэйии» анс. А. Калининскай тыл. мел.»Төннө туруом дойдубар» ырыаларын ис сүрэхтэн толоруулара, Суотту нэһилиэгин тэрилтэлэрэ, дьоно- сэргэтэ кэнсиэр- акцияҕа кыттыылара Анал байыаннай дьайыыга эйэлээх олоҕу туруулаһа сылдьар уолаттарбытыгар алгыс баҕа санаа буолуохтун.
