Ахсынньы 7 күнүгэр Суотту нэһилиэгэр Хоноҕордооҕу «Түһүлгэ» СК (сал. Гоголева Е.Н.) «Ырыаҕа махтал» ырыаһыт, мелодист, гитарист, сынньалаҥ киин звукорежиссера Владимир Охлопков бастакы айар киэһэтэ үрдүк таһымҥа толору залга буолан ааста. Тыыннаах музыка доҕуһуолунан Суотту бастыҥ ырыаһыттарын, «Алтан кыл» Петр Копырин салайар бөлөҕүн ырыаларын көрөөччүлэр биир тыынынан көрдүлэр, иһиттилэр, кэрэхсээтилэр. Кэнсиэр кэмигэр киирии билиэтинэн Владимир чугас дьоно, доҕотторо тэрийбит лотереяларыгар элбэх көрөөччү сүүйэн үөрүү үксээтэ. Кэнсиэр саҥалыы көрүүнэн сүрдээх ис киирбэхтик таҥыллан ыытыллыбыта көрөөччүнү сэргэхситтэ, Суотту талба талааннаах дьонунан баайын өссө төгүл көрдөрдө, саҥа талааннары арыйда.
