Россияҕа педагог уонна наставник, Саха Республикатыгар Үлэ, Уус-Алдан улууһугар Инфраструктура сайдыытын сылларынан “Түмсүүнэн сайдыыга, үлэнэн үрдэлгэ” нэһилиэк икки ардыларыгар улуустааҕы уус-уран самодеятельность фестивалыгар Суоттубут нэһилиэгин талааннаах дьонуттан таҥыллан тахсыбыт концерынан кытынныбыт. Бу кылгас кэмҥэ өрүүтүн буоларын курдук Суоттубут дьоно-сэргэтэ түмсэн сэргэх кэнсиэри оҥордубут. Саҥа талааннар, саҥа кыттааччылар, эдэр көлүөнэ кыттыбытыттан астынабыт. Суотту орто оскуолатын производственнай мастерскойа уонна ыҥырыыны ылынан, бэйэлэрин баҕа санааларынан биирдиилээн көмөҕө кэлэн түүннэри-күнүстэри илиилэрин араарбакка саҥа көстүүмнэри тиксибит бука бары талааннаах дьоммутугар, махтанабыт! Махтанабыт үлэ быыһыттан, дьиэ түбүгүттэн быыс булан күн аайы репетицияҕа сылдьан бииртэн-биир кэрэ нүөмэрдэри бэлэхтээбит нэһилиэкпит талааннаах, айар куттаах дьонугар! Махтанабыт тэрилтэлэрбит салайааччыларыгар, махтанабыт суоппардарбытыгар, махтанабыт бу фестивальга бары күүс-көмө буолбут биир дойдулаахтарбытыгар! Өрүү маннык көхтөөх, бэйэ-бэйэҕэ көмөлөсүһэ сылдьын, чэгиэн доруобуйаны, чөл туругу, дьиэ кэргэттэргитигэр или-эйэни, өрүү сырдык санаалаах, кэрэҕэ кыттыһан сылдьаргытыгар!