Аҕа дойдуну көмүскээччилэр күннэринэн итиитик-истиҥник эҕэрдэлээн туран олунньу 25 күнүгэр ,,Эрэл» спорт дьиэтигэр нэһилиэккэ салгын саатынан ытыы күрэҕэ буолан ааста. Республика күрэхтэһиилэрин быраабылатынан ,,Белка уонна Куропатка» рубежтарга коммерческай ытыы. Ону таһынан биатлоннай ытыыга абсолютнай күрэх. Ол курдук ,,Белка» сытан эрэ, олорон эрэ уонна туран эрэ иккилии мүнүүтэ, рубеж аайы биэстэ ыталлар. Онтон ,,Куропатка» ытыыга сүүрэн кэлэн олорон эрэ биатлоннай мишени толору сабан баран сүүрэн кэлэн туран эрэ ыталлар, барыта 5 мүнүүтэ иһигэр.
