Саха сиригэр ырыа күнүн чэрчитинэн, Россияҕа педагог уонна наставник сылыгар аналлаах бэһис төгүлүн ыытыллар “ИККИ СУЛУС” ырыа күрэҕэ ыытылынна. Кыттааччылар үөрэх тэрилтэтин уһуйааччыта уонна уһуйуллааччыта (сааһыттан хааччаҕа суох), сахалыы ырыаны сэҥээрээччилэр  кытыннылар. Кыайыылаахтар дьүүллүүр сүбэ быһаарыытынан Гран — При, I,II, III степеннээх лауреат, I, II, III дипломант наҕараадаланнылар.

Саха дьоно уһун кыһыны этэҥҥэ туораан, күөххэ үктэнэр сайын бастакы күнүгэр алаадьы астаан сири-уоту аһатан, Айыылартан өҥ дьыл буоларын көрдөһөр буруо таһааран ыраастанар күннэригэр Суоттубут нэһилиэгин олохтоохторугар анаан тэрээһин буолан ааста.