Бүгүн, алтынньы 17 күнүгэр СӨ Ийэ күнүгэр анаан «Ыал ийэтинэн» сэргэх тэрээһин «Мичээр» СК уонна Суотту модельнай библиотекатын тэрээһиннэринэн буолан нэһилиэкпит ийэлэрин библиотекаҕа түмптэ.
Суоттубут нэҺилиэгин Күн Күбэй Ийэлэригэр анаммыт тэрээҺин аҺыллыытын «Мичээр» СК уус уран салайааччыта Борисова У.А. ыытта. Филипп Габышев «Ийэҕэ» ырыаны истиҥник толордо, «Суотту нэһилиэгин Герой ийэлэрэ» быыстапканы Хоноҕор библиотекара Осипова И.А. билиһиннэрдэ. Мустубут дьон болҕомтотун Бороҕоннооҕу оҕо искусствотын оскуолатын Суоттутааҕы филиалын уһуйааччыта Портнягина Е.Я. туруорбут «Биһиги ийэлэрбит» оҕолор ийэлэрин уруһуйдаан оҥорбут мэтириэттэрин быыстапката тарта.
Тэрээһиммит бастакы түһүмэҕинэн «АлаҺа дьиэ иэйиэхситэ-Ийэ барахсан» төгүрүк остуолу библиотекарь Черкашина Р.Н. ыытта. Манна үлэ, тыыл ветерана, Герой Ийэ Кривогорницына М.Н. улахан кыыһа Ил Ииһэ Хойондо Саһылыкаан Кыыһа оҕо сааһын, төрөппүттэрин туһунан истиҥ кэпсээнэ, СӨ үөрэҕириитин туйгуна, СӨ үөрэҕириитин систиэмэтин Бочуоттаах ветерана, үлэ ветерана Пак Т.В. Бочкаревтар дьиэ кэргэн төрүччүлэрин Гоголев И.В. — Бурҕас «Суотту: былыргы дьыллар мындааларыгар» кинигэтигэр олоҕуран оҥорбута, СӨ үөрэҕириитин систиэмэтин Бочуоттаах ветерана, спорт ветерана, норуот маастара Иванова Е.И.- Чыычаах Кыыһа чэбдигирдэр, туругу бөҕөргөтөр ньымаларын сырдаппыттарын, сэһэргээбиттэрин төгүрүк остуол кыттыылаахтара сэргээн иһиттилэр, кэрэхсээтилэр.
Тэрээһин «Сатабыл» түһүмэҕэр: Саввинова Г.В., Заровняева М.П, Охлопкова М.П., Ордахова Л.С., Черкашина Я.И., Стрекаловская А.М., Портнягина Е.Я., Ил Ииһэ Хойондо Саһылыкаан Кыыһа ыыппыт маастар- кылаастарыгар араас сатабылларга үөрэттилэр.
Мустубут кыттыылаахтарбыт инникитин да маннык истиҥ, элбэҕи биллэрэр, иһитиннэрэр тэрээһиннэр ыытылла туралларыгар баҕа санааларын тиэртилэр.
