Суотту нэһилиэгэр алтынньы 31 күнүгэр Суоттутааҕы «Мичээр» сынньалаҥ киинигэр Уус-Алдан улууһугар тыа хаһаайыстыбатын сылын түмүктүүр, тыа хаһаайыстыбатын уонна бородууксуйаны оҥорон таһаарааччыларын күннэрин чэрчитинэн «Тыа сирэ-олох төрдө» тэрээһини ыытта.
Бу киэһэ анаан ас-үөл быыстапката, олохтоох бородууксуйа дьаарбаҥката, «Туйма» СХПК уонна Суотту орто оскуолатын бэйэ оҥорон таһаарыы бородууксайаларын дегустациялара, түргэнник ситэр көтөрдөрү иитэр Никитина А.Б, олохтоох библиотекарь Р.Н.Черкашина урукку «Лена» совхозтан саҕалаан билиҥҥини кэпсиир хаартысканан слайдата быыстапка ис хоһоонун ситэрэн биэрдэ. Тыа хаһаайыстыбатын эйгэтигэр үлэлиир үлэ бастыҥнарыгар Анал ааттары туттарыы, истиҥ эҕэрдэ нүөмэрдээх кэнсиэр, Тыа хаһаайыстыбатын эйгэтин тэрилтлэрэ, биирдиилээн кэтэх хаһаайыстыбалаах дьоммут туруорбут сүүйүүлээх бириистэр оонньоннон дьон-сэргэ илии тутуурдаах , махталлаах бардылар.
