Алтынньы 30 күнүгэр Суотту нэһилиэгэр аһымал акция чэрчитинэн анал байыаннай дьайыы кыттыылаахтарын дьиэ кэргэттэригэр, тыыл ветераннарыгар, сэрии тулаайаҕар, участковай балыыһаҕа анаан муус ылыытыгар уонна таһыытыгар 70-ча киһи кыттыылаах улахан субботник буолла. Эр дьон түмүстэҕинэ хайдахтаах күүс буоларын бу субботник дьэҥкэтик көрдөрдө.
Нэһилиэкпит олохтоохторо Андросов В.Н., Белолюбскай Е.А., Заровняев П.Н., Сивцев А.Л., Татаринов И.С., Черкашин У.Н. бэйэлэрин чааһынай техникаларынан ыалларга муус тиэйиитигэр көхтөөхтүк үлэлээтилэр. Тэрилтэлэртэн бэйэлэрин техникаларынан Уус-Алданнааҕы техникум уонна Суотту орто оскуолата муус тиэйдилэр. Барыта 25 ыалга уонна участковай балыыһаҕа муус тиэлиннэ.
Субботник кыттыылаахтарын итии аһылыгынан хааччыйдылар «Мичээр» сынньалаҥ киинэ (Патрасова В.В.), «Кустук” о5ону сайыннарар киин (Спиридонова М.Н.), участковай балыыһа (Пономарева Т.И.), олохтоох дьаһалта администрацията (Баишев В.П.), эбии ас арааһын оҥорон күндүлээтилэр “Доҕордоһуу» музей (Охлопков А.С.), «Кустук” о5ону сайыннарар киин (Спиридонова М.Н.), Суотту орто оскуолата (Петухова И.М.), Хоноҕор сүрүн оскуолата (Федорова О.В.), “Түһүлгэ” сынньалаҥ киинэ (Гоголева Е.Н.).
Уопсай дьыалаттан туора турбакка, үтүө санаанан салайтаран субботникка көхтөөхтүк кыттыбыт дьоммутугар, тэрилтэлэр салайааччыларыгар, бука барыгытыгар олохтоох дьаһалта аатыттан махтал истиҥ тылларын тиэрдэбит. Өрүүтүн маннык биир сомоҕо буолан саха дьоно бэйэ-бэйэҕэ көмөлөһөр үтүө үгэспитин өрө тута сылдьыаҕыҥ!!!
